I want to ask you a bunch of questions.

Tók þrifnaræðið á íbúðina í dag eftir að hafa klárað herbergið. Allt orðið spikk and spam. Loksins er herbergið orðið svefnvænt og lítur bara nokkuð út eins og dýrindis hótelherbergi á Ritz. Ég fékk brjálað þrifnaðaræði áðan og ákvað að l0sa íbúðina við þessa viðloðandi lykt sem fylgir henni. Held mér hafi nokkurn veginn tekist það. Nú er líka hægt að horfa út um gluggana í fyrsta sinn. Tók smávægilegt djamm í gær. Endaði á MEGAtrúnó með Dagný fyrrverandi úr ÆSK. Fyndið og fræðandi. Sátum í pissuskoti fyrir utan Sirkus og skeggræddum liðna tíma og barneignir. Hef verið með þynnkuna á versta stigi í dag en náði samt að koma öllu þessu í verk. Lenti í dónalegasta starfsmanni Íslands í gær í Ríkinu í Holtagörðum. Labbaði þar inn og ætlaði að fara að taka kippu úr kössum sem var búið að stilla upp á gólfinu. Þá heyri ég allt í einu öskrað fyrir aftan mig " HALLÓ HALLÓ HALLÓ, Prófaðu að líta í kringum þig." "Það eru fullt af kippum fyrir aftan þig". Sagt í gelgjutón með beyglaðan munn og vel sett í brýrnar. Snilld hvað sumir eru fæddir til að sinna þjónustustörfum. Rakst á frábæra síðu í gær með pranksímtölum fræga fólksins. http://www.ebaumsworld.com/morepranks.shtml. Tjékkið á símtali númer 8 hjá Arnold. Hillaríus. Ég held að stefnan sé sett á rólegheitin í kvöld á Ritz, mesta lagi spóla og snakk.

Itte Rasshai.

Kleppur

Lét loksins verða af því að mála svefnherbergið mitt. Það var farið að líkjast meira fangaklefa í Alcatraz en blautum draumi. Núna er það svo hvítt að það minnir á einkaklefa á kleppi. Svo er það bara eldhúsið og gluggarnir og þá loksins er íbúðin orðin svona nokkuð söluhæf. Smakkaði besta í heimi áðan, Fili Folly gum. Tyggjó sem er í laginu og á bragðið eins og steinull. Uhmmm nammi namm. Jæja best að skella sér í gallann og kíkja á næturlíf bæjarins.

Itte Rasshai.

Mr. Busdriver don´t kill me.

Veður bleður reður. Flatmagaði í nauthólsvíkinni í dag með krökkunum úr Frostaskjóli. Smellti mér bara út í sjó á naríunum einum saman og særði blygðunarkennd viðstaddra *10. Römbuðum síðan upp í öskjuhlíð til að skoða gömlu hermannavirkin. Þar beið okkur falleg sjón, þar sem við sáum tvisvar á leiðinni allsnaktar manneskjur í sólbaði einar síns liðs. Annað skiptið næpurhvítur karlmaður sem kippti sér lítið upp við að 30 börn gerðu stólpagrín að hvíta rassinum hans. Hin var svo ellismella kona sem, guði sé lof, rétt náði að kippa sér í buxur áður en öll börnin komu. Ég varð eina vitnið að þeim hryllilega atburði. Ég held að versta starfið á Íslandi í dag sé að vera strætóbílstjóri. Í hvert sinn sem ég tek strætó þarf einhver að lýsa í smáatriðum fyrir bílstjóranum hvernig nýja strætókerfið hefur áhrif á daglegt líf þeirra. Ég sé angistarsvipinn á bílstjórunum í hvert sinn. Bara plís ég nenni ekki að heyra þetta, mér er skítsama hvort að þú þurfir að bíða 5 mínútum lengur en venjulega upp í mjódd og hafir villst upp í Hafnarfjörð í síðustu viku þar sem þú týndist í 2 daga á ráfi um víkingaþorpið. Ég er viss um að sumir af þeim séu pakking a pistol undir sætinu og ekki líði á löngu þangað til að einn af þeim snappi.
Hitti Þráinn áðan sem er núna í stuttu stoppi á landinu. Frábært mál það og alltaf gaman að hitta joystikkið. Hann er svo kannski að flytja aftur heim í haust sem kallar á eina stóra fagnaðaröldu. Life is sweet. Ég held að það hafi bara verið fínt að byrja aftur að vinna. Allavega er ég hættur að kvarta í bili.
Itte Rasshai.

Summer is gone.....to smmmooonneee

Hef aldrei átt eins erfitt með að vakna eins og í morgun. Fyrsti vinnudagurinn eftir frí, var alvarlega að íhuga að gera mér upp svarta dauða einkenni og hringja mig inn veikann. En ég rauk á fætur við það að Jim Morrison er á lífi og stundar ródeó af lífi og sál. Hvernig ætli honum hafi fundist myndin? Eða The Cult söngvarinn sem reyndi svo óheppilega að feta í fótspor hans! Þessi helgi var sú besta í lengstansta tíma. Fór í veiðiferð/útilegu og fékk á mig svo mikla sól að ég er gangandi auglýsing fyrir baráttuna gegn húðkrabba. Veiddi þó ekki mikið en sá náttúru Íslands í öllu sínu veldi. Beautiful. Var að enda við að sýna íbúðina mína í þriðja sinn, fínn drengur sem kom að skoða en virtist ekki beint vera á þeim buxunum að draga fram veskið. Ekki nema ég hefði verið að selja svartan afgan og kleinuhringi. Ég hef enn ekki ákveðið hvað gera skal um næstu helgi. Innipúkinn er að toga í mig, en þar sem ég er á bíl væri ekki verra að fara út fyrir borgarmörkin. Þó það væri ekki nema upp í Kópavog á Burger King. Mér hefur verið tjáð að söngkonan í Blond Redhead sé svo mikill refur að það sé bannað að sleppa þeim. Það eina sem mér finnst leiðinlegt við verslunarmannahelgina er að það þýðir að sumarið er senn á enda. Þá fer skólinn að byrja sem þýðir enn eitt árið af brjálæði hjá mér. Jæja Magnús greyið Gylfason þá rekinn og drekinn. Hlaut nú að koma að því, fastir liðir eins og venjulega. Maður býður bara eftir að þjálfari Fram verði rekinn og þeir bjargi sér frá falli á ævintýralegan hátt.

ÞETTA er nú meiri viðbjóðurinn

Nú er fríinu senn að ljúka : ( Ég get samt ekki sagt annað en að veðrið hafi verið að leika við mig og maður er búinn að hafa það mjög gott í fríinu. Ég og tíkin hún Harpa höfum spókað okkur um götur bæjarins, hún á túr og ég með sólsting. Hef verið að detta inn í hina snilldargóðu þætti 4400 sem eru sýndir á stöð 2. Ég er búinn að ná í þá flesta og er bara nokkuð spenntur að sjá framvindu mála. Ég kláraði í gær bókina Hann var kallaður þetta. Þvílíkur viðbjóður sem þessi saga er, ég tek til baka allt slæmt sem ég hef sagt eða hugsað um foreldra mína í gegnum tíðina. Sérstaklega var það nasty þegar mamma hans læsti hann inn á baði og helti í fötu blöndu af salmíakspíritus og klóroxi sem hún skyldi eftir inni hjá honum. Í bókinni kom fram að talið er að 1 af hverjum 5 börnum í Bandaríkjunum (eða heiminum man ekki) séu fórnarlömb heimilisofbeldis. Það er dáldið mögnuð tala! Annað fróðlegt sem ég var að heyra um daginn, en er ekki alveg viss um. Að söngkonana snoppufríða hún Norah Jones sé dóttir hans Ravi Shankar. Sem var sá sem að kynnti sítarleik fyrir George Harrison og er því honum að þakka hversu vel Norwiegian Wood hljómar. Þetta gæti verið tóm steypa en hver veit? Jæja best að athuga hvort að Harpa sé búin að koma sér í bobba út í garði.

Itte Rasshai.

Hey, johnny Park

Þá er maður loksins að vakna úr kóma helgarinnar. Byrjaði á ofurkeyrslu norður á Drangsnes á bryggjuhátíð. Komum okkur fyrir á tjaldsvæðinu og settum upp tjaldið ef tjald skyldi kalla. Hefði verið jafn gott að setja upp fiskinet og sofa undir því. Fínt veður á föstudeginum og byrjað var á bjórnum og skellt sér í pottanna. Þeir voru staðsettir alveg niður við sjóinn og gat maður ekki verið þekktur fyrir annað en að fá sér stuttan sprett í sjónum. Hressandi. Seinna fórum við aftur upp á tjaldsvæði þar sem tók við heljarinnar drykkja í heljarinnar rigningu. Nóttin var blaut og köld, skal ég segja ykkur. Vaknaði síðan eftir 3 tíma svefn en var ekkert að stressa mig yfir kuldanum og bleytunni. Skelltum okkur bara í morgunsund og slöppuðum þar af í dágóða stund. Síðan fórum við niðri á höfn þar sem var boðið upp á ýmiskonar góðgæti úr sjónum. Ég lagði nú ekki í allt en það sem í boði var grillaður selur, uxabollur, selabollur, sigin fiskur og lundi. Sumt bragðaðist vel en annað EKKI! Á þessum tímapunkti var farið að kólna mjög og stuðið farið að renna úr manni eins og lífið úr kópnum sem ég borðaði. Um kvöldið var stefnan sett á grillmat í samkomuhúsinu og ball með veðurguðunum. Nú var farið að renna upp fyrir mér að þessi ferð ætti eftir að kosta aðeins meira en ráð hafði verið gert fyrir. Á ballið kostaði 2500, grillið 1500, tjaldstæðið 1000, allt í kaupfélginu kostaði 500% meira en maður á að venjast í bónus. Maður lætur svoleiðis ekki stoppa sig og skelltum okkur inn úr dembunni beint í dýrindislambalæri í samkomuhúsinu. Nú erum við að tala um enga venjulega rigningu heldur hitabeltisskúr af verstu gerð á vestfjörðum. Þangað til að ballið byrjaði sátum við inn í bílunum og drukkum og skulfum úr kulda. Á þessum tímapunkti voru flestir á því að sleppa ballinu og drífa sig heim úr þessu helvíti á jörðu. En sem betur fer gerði það enginn. Ekki fóru margir á ballið þar sem mörgum fannst nóg um peningaeyðslu helgarinnar. Ég gerðist svo kræfur að svindla mér inn á ballið og skemmti mér alveg konunglega. Fór síðan inn í tjald að sofa og hef nú aldrei lent í annarri eins nótt. Það var ALLT blautt og ALLT kalt í tjaldinu, náði að sofa í 2 tíma og var vakin af e-i druslu sem hafði hugsað sér gott til glóðarinnar. Ég sagði pent nei takk og ákvað að skella mér inn í bíl til Brands. En þeir félagar, hann og Unnar voru fljótari að hugsa en ég og voru komnir þangað inn í framsætin. Ég þurfti því að láta mér nægja hálft aftursætið mínus fótapláss og svaf í bæklaðri fósturstellingu í 3 tíma. Get ekki sagt annað en ég hafi verið í sæluvímu þegar við keyrðum af stað í bæinn. Hef gert lítið annað en að sofa síðan þá og er fyrst núna að vakna til meðvitundar. Smelli myndum af herlegheitunum von bráðar. Ég sit núna heima og syng hástöfum Hey, Johnny Park og passa upp á tíkina hana Hörpu.

Itte Rasshai.

Ó Susan

Loksins loksins kom sól og bongóblíða. Flatmagaði í laugardalslauginni í dag og fékk mér smá freknur. Búinn að vera fínasti dagur í dag, sem endaði á góðri máltíð hjá Pabba og Elfu. Pabbi tók mig svo á rúntinn og sýndi mér Pizzahöllina sem hann var að versla. Fínt pleis sem þarf aðeins að taka í gegn. En nú virðist allt vera að smella saman fyrir ferðina á föstudag. Þetta verður þokkalegur hópur og við leggjum af stað á morgun. Búinn að versla allt inn fyrir leguna og þarf bara að taka draslið til. Hlakkar mikið til. Nú er það staðfest að Örn kemur heim þann 7. ágúst og verður í rúma viku. Spaðann á loft! Ég tók testið hér að neðan tvisvar og kom í bæði skiptin út að Susan væri sú sem ég væri líklegastur til að deita eða giftast. Það hefði ekki verið leiðinlegt ef hún Eva eða hvað sem hún heitir hefði komið upp, en hún er kannski aðeins og high maintainence fyrir minn smekk.
http://abc.go.com/primetime/desperate/quiz/index.html

Hitte rasshai.

Standpína

Vaknaði allt of seint sökum oflesturs í gær. Varð að klára Gazza áður en sólin kom upp aftur. Á 17 ára atvinnumannaferli hefur maðurinn eytt 20 milljónum punda og er nánast blankur í dag. Hummm minnir um margt á Járn manninn. Las í gær að nef og eyru karlmanna hætta aldrei að stækka! Jís, sem þýðir náttúrulega að ég get flogið sjálfur til útlanda þegar ég verð 50 ára. Tek ekki eftir miklum vexti á nefinu, annað en hárunum sem vaxa jafn hratt og standpínan á Brandi í sundi í gær. Nú fer að styttast í fullt af menningarlegum viðburðum. Nýja Sigurrósar platan að koma út, sem á víst að vera standpína út af fyrir sig. Nýja Harry Potter bókin sem verður hittari þó að hún væri eingöngu gefin út á blindraletri. Síðan en ekki síst er standpína númer eitt með fyrrum fallega hárið, hann Micheal Bolton að koma á klakann. O yes i am a Micheal Bolton fan. I celebrate the guys entire cataloge. Það stóð í fréttablaðinu í dag að 39 Þúsund séu látnir frá því að stríðið í Írak hófst. 39 þúsund! Einhvern veginn virðist það ekki skipta miklu máli, en veröldin fer í panik þegar nokkrir deyja í New york og London. Ok ég ætla ekki að fara gera lítið úr þessum hryðjuverkaárásum en hvenær er nóg komið? Mér finnst ekki skrýtið að múslimaþjóðir skuli vera eilítið pissed, þar sem þessi 39 þúsund líf virðast ekki vera metin á sama grundvelli og líf saklausra borgara í hinum vestræna heimi. Og hversu margir af þessum þúsundum ætli séu saklaus börn? En það skiptir engu, þetta eru bara múslimar. Ekki satt Mr. W. Las annan ófögnuð við daglegan blogglestur minn. Ég vona að þetta sé einhverskonar gróusaga og ég vona að manneskjan sem setti þetta inn sé sama þó að ég hendi þessu hér inn, svona þannig að fleiri geti lesið um þennan viðbjóð. Gjörið svo vel:
A woman at a nightclub on Saturday night was taken by 5 men, who according
to hospital and police reports, gang raped her before dumping her. Unable
to remember the events of the evening, tests later confirmed the repeat
rapes, along with traces of Rohypnol and Progesterex, essentially a small
sterilization pill, in her blood. The drug is now being used by rapists at
parties to rape AND sterilize their victims. Progesterex is available to
vets to sterilize large animals. Progesterex is being used together with
Rohypnol, the date rape drug. As with Rohypnol, all they have to do is drop
it into the girl's drink. The girl can't remember a thing the next morning
of all that had taken place the night before. Progesterex, which
dissolves in drinks just as easily, is such that the victim doesn't
conceive from the rape and the rapist needn't worry about having a
paternity test identifying him months later. The drug's effects ARE NOT
TEMPORARY - They are *P*E*R*M*A*N*E*N*T. Progesterex was designed to
sterilize horses. Any female who takes it WILL NEVER BE ABLE TO CONCEIVE A
CHILD. The scum can get this drug from anyone who is in vet school or any
university. It's that easy, and Progesterex is about to break out big on
campuses everywhere. Believe it or not, there are even sites on the
Internet telling people how to use it. Please forward this to everyone you
know, especially girls. Be careful when you're out and don't leave your
drink (ANY DRINK) unattended. Please make the effort to forward this on to
all you know...Guys, please inform all your female friends and relatives.

Skemmtilegt ekki satt.

Itte rasshai.

Sin City

Átti algjöran letidag, þar sem ég las og las upp í rúmi. Ekkert smá fínt, þarf svo á svona dögum að halda. Brandur dró mig síðan í sund, mat og aftur mat og bíó. Flatmöguðum í dágóða stund í sundi plönuðum ferð norður næstu helgi. Verð bara að komast út úr bænum, svona áður en ég æli yfir borgarbúa úr Hallgrímskirkjuturni. Fórum síðan á Sin City sem slóg mig utan undir eins og einungis Pulp fiction hefur gert. Mickey Rourke sýndi og sannaði að hann hefur engu gleymt frá því hann lék Marlboro man og Johnny handsome. Jessica Alba var eins og bananasplit, þurfti að hafa mig allan við að þurrka slefið úr Brandi. En ég kláraði RHCP í gær og olli hún sko ekki vonbrigðum. Snilld að lesa um dópið, missinn, peningana og lagasmíðarnar á meðan maður hlustar á lögin. Gefur þessu alveg nýja meiningu. Lögin fá nýja merkingu þegar maður veit hugarástandið sem höfundarnir voru í þegar þeir sömdu þau og um hvað þau eru. Síðan gat ég ekki slitið mig frá ævisögu Gazza í dag. Þessi maður!, það er ekki annað hægt en að elska hann. Hann minnti mig svo á Dennis Butler. Tekst alltaf að rústa öllu í kringum sig en á einhvern einkennilegan hátt er ekki hægt að hata hann fyrir það. Það virðist vera samnefnari fyrir mikið af fræga fólkinu. Tekst alltaf að eyðileggja öll persónuleg sambönd en alltaf hefur það aðdráttarafl. Afi er kominn heim af spítalanum og virðist vera nokkuð hress. Vona bara að það haldist. En þarf að vakna snemma til að fá bílinn hjá mömmu og taka brósa litla á túr um bæinn og sýna honum hvernig maður á að bera sig. Anyways, góða nótt og bæjó.

Skítaveður

Hvað er málið með þetta land? Loksins þegar maður fær e-ð frí þá er bara eins og október sé mættur á svæðið. Rigning, skítakuldi og þungskýjað. Hefði átt að smella mér til sólarlanda á meðan ég átti peninga. Var að borða svínakjöt í svona kjúklingasósu áðan og þessi sósa er sú sterkasta sem ég hef smakkað. Leið eins og ég væri að borða brennistein. Fór á bókasafnið áðan og birgði (er það ekki skrifað svona) mig upp af bókum. Tók ævisögu Gazza, ævisögu Mandela og framhaldssögurnar Hann var kallaður þetta og Undankomulausi drengurinn, svona til að læra hvernig maður á ekki að koma fram við loðna. Þannig að fríið mitt er ekki að byrja eins og best væri á kosið. En maður getur nú ekki kvartað, Höskuldur afi er kominn á spítala og maður getur ekki annað en vonað það besta. Fæ að vita meira á morgun, en ástandið gæti alveg verið betra. Anyways, sendi honum baráttuhugskeyti í nótt og hlýhugarskeyti til ömmu.
Nighty night.

Lestur

Þurfti að mæta í vinnuna í dag kl 7 en fór heim kl 8 og fór aftur að sofa, mjög ljúft. Held ég hafi endanlega rústað á mér mjöðmini í gær í fótbolta. Labba um eins og ég sé með staurfót og ætti eiginlega að fá mér lepp á annað augað. Í hvert sinn sem ég sest er eins og það sé verið að stinga hníf inn í lærið á mér. Good times. Þetta hefur verið helgi hugsana og lesturs. Kláraði Maradona og hélt áfram með RHCP. Hef mikið verið að spá í hlutina og lesið fullt. Margt sem ég las var áhugavert og skemmtilegt, en annað ekki. Ég náði samt að vinna hana Claudiu og það tvisvar.
Slater.

Claudia

Tók mjög skynsamlega ákvörðun í gær og fór snemma að sofa og sleppti bænum. Komu fleiri úr bekknum í partý en ég bjóst við þó að flestir hafi stoppað stutt. Við þurfum að fara að skipuleggja hina árlegu Viðeyjarferð fjarnema sem verður í ágúst. Við eigum sem sagt að sjá um þetta í ár og ekki seinna vænna en að fara að spá í þetta mál. Átti gott spjall við Maríu um fæðingarmál, greyið konur sem hafa átt börn, ég króa þær alltaf af og tek 3. gráðuna á þær. Hún leit einu sinni á sónarmyndina og var alveg handviss um hvort kynið þetta væri, út frá bringubeininu á bauninni! Spennandi að sjá hvort að hún hafi rétt fyrir sér. Hún var líka að segja mér að algengt sé að konur með fyrsta barn eigi á 42. viku. Það þýðir að loðni gæti verið desember barn, alveg eins og pabbi sinn. Er að klára ævisögu Maradona, sem er aðeins hægt að lýsa í einu orði, rugludallur. Ég þoli ekki að særa fólk sem mér þykir vænt um án þess að hafa ætlað mér það. Fátt sem getur dregið mig jafn mikið niður og það. Annað sem ég þoli ekki er að geta ekki unnið hana Claudiu í tennisleiknum sem er á linknum hér að neðan. http://gamesarcade.net/tennis/tennis.asp. Mér mun takast það þótt að það taki mig allt fríið mitt. Ég verð að viðurkenna að það er kominn smá bloggleiði í mig. Spá í hvort að væri ekki sniðugt að fara að hvíla sig á þessu í smá tíma eða hætta alfarið með þetta. Tek daginn í að spá í það. Best að skella sér í sund. Slater.

Kaldar rósir

Þunnur og blankur í dag. Ekki alveg nógu og sniðugt. Gleymdi í öllum hamaganginum við að liggja í leti að fara í bankann og taka út penge. Ég á víst að fara að halda partý fyrir Kennó bekkinn í kvöld, þannig að það verður ekki mikið um veitingar eða annað góðgæti. Kippa og þúsundkall til að eyða í bænum, alveg eins og í gamla daga. Líst vel á það. Var að átta mig á því að vinur minn hann Ryan Adams hefur gefið út nýja plötu. Tvöfalda sem heitir Cold roses. Gott að geta notað fríið í að kanna hana. Ég hélt líka að Damien Rice væri að koma með plötu en það virtist bara hafa verið singull. Hann virðist vera svo busy þessa dagana að bjarga Búrma að hann hefur engann tíma til að búa til fleiri eyrnarjómasúkklaðikonfekt. Heilinn á mér er sofandi í dag þannig að ég get ekki skrifað meir.
Slater.

Anger management

Síðasti dagurinn í vinnunni í dag og nú er ég kominn í frí. Spaðann á loft, takk. Tíminn frá 17 - 17:15 leið eins og 4 tímar. Vá hvað ég þarf á því að halda að komast í frí. Annað sem ég þarf á að halda er anger management kúrs. Ég er versti skaphundur sem til er, ekki alltaf en svona stundum. Fyrir þá sem ekki vita hvernig er að vera skaphundur þá lýsir þetta sér svona: Pirringur magnast og magnast og magnast og magnast, kannski yfir marga daga og margir faktorar koma inn í dæmið. Áður en maður veit af eru líkamleg einkenni kominn í gang, sem eru ör en þungur andardráttur, eirðarleysi, skjálfti og roði í kinnum. Síðan skeður e-ð sem að fær mann til að losa allan þennan pirring. Þá er eins og maður tappi inn í svona orkustöð sem er stillt á destructive mode. Þá flýtur alls konar viðbjóður út úr kjaftinum á mér og ég get ekki hætt. Hlutirnir sem ég segi á svona stundu eru ófyrirgefanlegir og ógeðslegir. Þið sem þekkið mig vel kannist sennilega við þetta. Ég vil bara nota tækifærið og biðja alla sem eiga í hlut afsökunar á því sem ég hef látið út úr mér í slíkum ham. Þið vitið hver þið eruð. Ætli maður geti farið á svona námskeið á Íslandi? Læra að telja upp á 10 og anda rólega. Það er líka alveg merkilegt hvað svona móment koma oftar ef ég hef ekki e-a líkamlega útrás sem ég kemst í. T.d. Júdó, fótbolta eða körfubolta. Ég er hálf smeykur við að fara á djammið í kvöld í svona ástandi, það vill nefnilega oft enda í e-u rugli. En núna er ég kominn á bíl, þar sem að baunamamma er í Dk og lánaði mér bílinn á meðan. Það róar oft taugarnar mikið að komast í góðan og langan bíltúr. Fór í gær í mat til pabba og Elfu. Elfa var að segja mér alls kyns nytsama hluti um fæðingar. Skemmtilegt að heyra það og tilhlökkunin verður alltaf meiri og meiri. Anyways best að fara og telja upp á 100 og gera armbeygjur. Slater babys.

Mr. Hawkins,Ich liebe dich.

Fórum í gær í 20. vikna sónar, þar sem maður getur fengið að vita kynið. Og........við ákváðum að vita það ekki ; ) Allt leit mjög vel út og litla baunin er í góðum gír í maganum á mömmu sinni. Þetta er alltaf jafn rosalegt að sjá barnið sitt í live útgáfu via sattelite frá leginu. Sprækt barn og maður getur bara ekki beðið eftir að taka það í fangið og heilsa því í fyrsta sinn. Fór í gær á Foo Fighters og Queens sem var crazy. Stóð stjarfur og horfði með aðdáun á Taylor Hawkins sem er trommari nr. 1. Skrýtið hvað svona lítill maður getur lamið fast á skinnið í marga klukkutíma. Svo heyrði ég í dag að hann hefði O.D. íað einu sinni, þannig að hann fær rokkarahendi upp í loft frá mér. En ég komst að því fyrir alvöru að ég er orðinn gamall og lúinn maður. Ég gat varla klárað tónleikana sökum bakeymsla og fótaverkja. Blöskraði einnig klæðnaðurinn á stúlkunum, sumar rétt komnar yfir fermingaraldurinn og klæddar í viskustykki og þvottapoka úr IKEA. Var þetta alltaf svona eða eru tímarnir að breytast? Ákvað einnig í gær að ég skyldi sjá U2 á tónleikum áður en ég dey. Og hana nú. Ég fór að spá í það um daginn hvað allar mínar kærustur hafa haft áhrif á mig hvað varðar klæðaburð. Það hefur alltaf verið þannig að ég hef átt flíkur sem mér hefur þótt afar fallegar og klæðalegar áður en ég kynnist kærustunum. En síðan hafa þær tjáð mér að umrædd flík sé í raun það ljótasta sem þær hafa augum litið og eftir það hef ég ekki gengið í henni aftur. Ætli þetta sé svona hjá öllum eða er ég bara svona? Einhvernveginn held ég að konur hafi alltaf meira vit á klæðaburði en ég. Og ég reyni að hafa vit á því að hlusta. Þar af leiðandi myndi mér aldrei detta til hugar að segja að e-r föt sem að kærasta mín klæddi sig í væri ljótt. Kannski ætti maður að byrja á því, þ.e.a.s. þegar ég eignast kærustu næst. Sem verður sennilega þegar baunin fermist, sem sagt í kringum páskana 2018.

Góðar leiðir til að sofna

Ég er búinn að komast að bestu leið í heimi til að sofna. Ég áttaði mig á því í vinnunni í dag að þegar maður les upphátt þá þyngjast augnlokin um helming á 0,1. Þetta bregst ekki, í hvert sinn sem ég les fyrir krílin þá fer hausinn á mér að taka hringsveiflur vegna þreytu og hálsinn tekur kippi. Unnar kom í gær með Red hot og U2 live @ slane castle og við gláptum á það í varpanum. Þar og þá varð ég almennilega sáttur við kaupin á varpanum. Mér leið eins og ég væri staddur í miðri þvögunni og kveikti á kveikjara undir One. En ég grét ekki eins og sumir hefðu gert ; ) Síðasta vikan í vinnunni að byrja áður en fríið byrjar. Dagurinn búinn að vera ein klesst geðveiki. Endalaus hlaup og vitleysa. Ekki tekur betra við þegar heim er komið. Þarf að hlaupa og skúra, koma heim og taka til, taka á móti manni sem skoða vill íbúðina og setja upp gervibrosið og sölumannaglampann í augun. Er alveg að spá í að tjékka á Foo og Queens á morgun. Verður maður ekki að smella sér á allaveg eina tónleika. Ég meina það er búið að vera þvílík tónleikasumur hér á landi og ég hef ekkert séð. Skandall og skömm. Jæja best að hlaupa og þrífa ósýnilegan skít.
Slater bandaids and rockgods.

Sunnudagur til sigurs?

Sunnudagur til sigurs, ég veit það ekki? Þetta er nú búinn að vera hálfgerður leti og leiðinda sunnudagur. Fór í fínasta grill til Gagga og Söru í gær þar sem Baldur fór á kostum í umræðunni um hinn réttdræpa hermann. Allir sem ganga í her eru réttdræpir! Tók þá gáfulegu ákvörðun að láta bæinn eiga sig og fór snemma í háttinn. Þurfti nauðsynlega á hvíldinni að halda til að hlaða batteríin. Búinn að snúa íbúðinni við í dag til að leita að lyfseðli sem pabba vantar. Ótrúlegt hvernig maður getur týnt hlutum. Þetta á sérstaklega við um sokka og gítarneglur. Einhversstaðar í þessum heimi sitja einmanna hjón á miklum fjársjóði samsettum af einstökum sokkum og gítarneglum. Þau hljóta að vera með litla púka í vinnu hjá sér sem að ferðast um heiminn og safna í fjársjóðinn. Nú fer senn að líða að fríinu mínu og ég er enn ekki búinn að ákveða hvað ég ætla að gera. Panic is setting in. Spurning hvort maður fari hringinn á Tona, en ekki væru nú allir á eitt sáttir við það!! Ég er að hlusta ákkurat núna á lagið He is simple he is (man ekki) he is the pilot með Granddaddy. Það er e-ð mjög svo haunting við þetta lag. Horfði í gær á hinn mikla kómík snilling Lewis (held ég) Black. Stand upp í hæsta gæðaflokki. Ég mundi allt í einu þegar ég var að horfa á hann að þetta er gaurinn sem kom einu sinni í Conan O´brian og sagði ódauðlegan brandara í huga míns og Arnar. Þetta var sem sagt í kringum forsetakosningarnar árið 2000 í USA. Hann hljómaði einhvernveginn svona: " And how about these gay republicans. Gay republicans! Who are they? Two guys with a website!"
Slaters.

Klassískur laugardagur

Tók áðan klassískan göngutúr upp í kringlu, ríkið og bankinn. Helvítis kringlan á laugardögum. Fór þar á undan í klassíska sundferð á laugardegi í höllina. Ég er farinn að standa sjálfan mig að því að stara á öll lítil börn. Það kann að hljóma illa að standa í sundi og stara á lítil börn, en ég get ekki hætt að velta því fyrir mér hvernig barnið okkar eigi eftir að líta út. Við erum nú svolitlar andstæður í útliti ég og Vala. Kolsvart hár og dökkt útlit blandað við rautt hár og freknur. Ég get bara ekki beðið eftir að sjá litla grísinn. Stundum vildi ég að tíminn myndi bara fljúga áfram, en þetta verður nú allt að taka sinn tíma. Fór í gær með Unnari á War of the worlds. Fín afþreying sem endar...tja...segi ekki meir. Krúsin stendur fyrir sínu, en senuþjófurinn er Tim Robbins. Í kvöld er það svo grill hjá Garðari og Söru, þar sem að Baldur og Sigga ætla að láta sjá sig í fyrsta sinn síðan að nefið á Jackson var flatt. Ég hringdi áðan í Laufey sem grét hástöfum í símann. Ég skil það svo sem mjög vel, ég meina hún var að horfa á Live8! Sumir eru bara dramatískari en aðrir. Og svo var náttúrulega Bono að syngja.

Appelsínugulur

Hef ekki verið svona uppgefin síðan að ég tók open close open vaktir á dominos hér um árið, sælla minninga. Skellti mér í pott og gufu áðan til að hressa upp á ljótleikann. Maður getur alltaf bókað að e-ð sniðugt gerist ef maður fer í sundhöllina. Settist inn í gufu og lét ógeðið sem ég hef innbyrgt síðustu daga renna úr mér í formi svita. Við vorum þrír þarna inni og einn af okkur tók óhemju mikið pláss, þannig að ég og hinn maðurinn vorum hálf klesstir upp við hvorn annan og ég svona út í horni. Síðan þegar að plássfreki maðurinn fór þá var hinn ekkert að færa sig. Svo að við sátum þarna í svona Gevalia kaffi mómenti milli tveggja manna, klesstir tveir saman í gufu. Ég hef aðeins verið að spá í með okkur rauðhærðu mennina, hvernig við náum okkur yfir höfðu í kvenfólk. Því meira sem ég hugsaði um þetta, því meira fannst mér þetta stórmerkileg pæling. Sannleikurinn er bara sá að við erum með appelsínugult hár á hausnum og appelsínugul líkamshár! Hvenær hefur appelsínugulur verið tískulitur? Aldrei! Ég meina það er flott að vera með svört hár eða ljós, en náhvítir menn með appelsínugul hár. Út frá þessu fór ég að muna eftir því að hafa heyrt fleiri en eina konu viðurkenna að þær ætli eða hafi ætlað aldrei að vera með rauðhærðum mönnum. Ein af þessum konum er meira að segja fyrrverandi kærasta mín, ég nefni engin nöfn. Ég verð að segja að ég skil þær samt alveg, ef ég væri kona þá myndi mér sennilega ekkert finnast þessi litasamsetning vera að ganga upp. Appelsínugulur og líkhvítur.