Hvert stefnir þú fagra veröld?

Ég er tengdur inn í tvö dæmi af skítablaðamennsku. Í fyrsta lagi lenti hún Vala mín í leiðindaviðtali hjá Fréttablaðinu um síðustu helgi sem hún kærði sig ekkert um. Hún hringdi daginn eftir og bað þá vinsamlegast um að birta þetta ekki og hún var fullvissuð um að svo yrði. En í dag kemur svo þessi afbakaða, misvísandi og asnalega grein þar sem hún er látin hljóma eins og hún sé handritshöfundur Djamm 101 með hnakkamellunni. Þetta viðtal kom vægast satt illa út og var að mestu leyti tómt bull miðað við hvað hún sagði. Allir á heimilinu frekar súrir yfir þessu öllu saman. Spurning hvað sé hægt að gera í þessu máli, annað en að skammast í þeim. Hitt dæmið sem ég lenti tengist vinnunni og ég vill ekki vera að tala of mikið um það á þessu stigi. En málið snýst um blaðasnepil sem heitir Sirkus Rvk og afar ósmekklega spurningu sem þeir létu flakka í síðasta blaði.

Fight the Power!

kveðja